म असुरक्षित छु : सरिता लामिछाने
काठमाडौँ । कलाकार सरिता लामिछानेले नेपाल चलचित्र कलाकार संघको नयाँ नेतृत्वका लागि हुने निर्वाचनमा अध्यक्ष पदमा उम्मेवारी दिएकै कारण आफु असुरक्षित भएको बताएकी छिन । मंगलबार राजधानीमा पत्रकार सम्मेलनको आयोजना गरी उनले बारम्बार आफुमाथि अपरिचित व्यक्तिहरुले निगरानी गरिरहेको समेत बताइन् । संघको नयाँ नेतृत्वका लागि आगामी २५ गते निर्वाचन हुँदैछ ।
पत्रकार सम्मेलनमा लामिछानेले केहि दिन अघि मात्रै मोटरसाईकलले पछ्याएको बताउदै दुई जना अपरिचत आएर घर नम्बर समेत टिपेर लगेको बताइन । तर उनले कोबाट यस्तो तर्साउने प्रयास भैरहेको बताउन भने चाहिनन् ।
नेपाल चलचित्र कलाकार संघको अध्यक्ष पदमा उनि रविन्द्र खड्कासँग प्रतिस्पर्धा गर्दैछिन ।
