२०८१ बैशाख १२, बुधबार
  • प्रभावकारी न्यूज सम्बाददाता ३ हप्ता अगाडि

दमक/ झापाको दमकमा शनिवार राती ११ बजेतिर बम वा बन्दुक पड्केजस्तो ठुलो आवाज आएपछि भय र त्रास पैदा भएको छ । अत्यत्न ठुलो आवाज आएपछि धेरै मानिसहरु घरबाट बाहिर निस्केका थिए । ठुलै घटना भएको हुनसक्ने भन्दै जिज्ञासा सहित सामाजिक सञ्जाल फेसबुकमा तत्कालै धेरैले यस बिषयमा स्टाटस पनि लेखेका थिए । कतिले प्रहरीसंग बुझेको बताईएको छ ।

दमक उद्योग बाणिज्य संघका अध्यक्ष गोपाल गुरागाईले सामाजिक सञ्जाल फेसबुकमा लेखेकाछन्-मध्यरातमा गृह प्रशासनलाई च्यालेन्ज ठुला बडालाई कानुन नलाग्ने दमक आज ठूलो दुर्घटना बाट बचो ……?

दमकका युवा नेता राम पौड्यालले यस्तो कार्य गर्नेलाई कार्वाही गर्न माग गरेकाछन् । उनले सामाजिक सञ्जाल फेसबुकमा लेखेकाछन्-मध्यरातमा एकदम त्रसित अवस्था भयाे के यसाे गर्न छुट हाे? प्रसासनने अनुसन्धान गरि,फटाहालाइ कार्वाही होस्।

इलाका प्रहरी कार्यालय दमकका अनुसार दमकको एक होटलमा शक्तिशाली पट्का पटकाउदा ठुलो आवाज आएको हो । नेपालरिका होटलमा उक्त पट्का पटकाईएको हो । प्रहरीले एकजनालाई नियण्त्रणमा लिएको जनाएको छ ।