झापामा मंगलवार अधिकाँश ठाँउमा आँशिक रुपमा लक डाउनकोल पालना नगरेको पाईएपछि जिल्ला प्रशासन कार्यालय झापाले यसको पुर्ण पालनाको आदेश दिएको छ ।

अन्यथा पक्राउ गरेर कार्वाही गरिने चेतावनी जारी गर्दै पालना गरेर सहयोग गर्न आग्रह गरेको हो ।

झापाका प्रमुख जिल्ला अधिकारी उदयबहादुर राना मगरका अनुसार कोरोना भाइरसको संक्रमण रोक्नका लागि यो प्रयास गरिएकाले यसलाइ पालना गर्ने आग्रह गरे ।

यसैबीच जिल्ला प्रहरी कार्यालय झापाका प्रमुख कृष्णराज कोइरालाले १५ दिनयता विदेशबाट आएकाहरु घरगाँउ र टोलमा भएमा नजिकको प्रहरी कार्यालय तथा जनप्रतिनिधिलाइ खबर गर्नका लागि अनुरोध गरेकाछन् ।

बुधबार विहान सामाजिक सञ्जाल फेसबुकमा एक स्टाटस हाल्दै कोइरालाले यस्तो आग्रह गरेकाहुन् । उनले लेखेकाछन्-

झापा जिल्लाका हरेक वडामा रहेका टोल बिकास समाजले कृपया आ आफ्नो टोलमा बिगत १५ िदन देखि बिदेश बाट आउनुहुने हरुको जानकारी नजिक को प्रहरी , जनप्रतिनिधि लाई दिई आफ्नै घरमा एकान्तबास मा बसिरहेकारहरुको अवस्थाको बारेमा जानकारी लिन प्रहरी लाई सहयोग गरौ। कतिपय लाई बिषयको गम्भिरता बुझाउन जरुरी देखिएको छ आ आफ्नो स्थानबाट योगदान गरौ।