नदेखाउ त्रास, प्रहरी कस्टडिमा होला है बास-दमकमा कोरोना भाइरसबारे सामाजिक सञ्जालमा भ्रम छर्नेलाइ पक्राउ गर्न शुरु
दमक/ सामाजिक सञ्जालमा अतिरञ्जित सामाग्रिहरु पोष्ट गर्नेलाई दमक प्रहरीले पक्राउ गर्न थालेको छ ।
कोरोना भाइरसको बिषयमा नगरबासीलाई आंतकीत बनाउने किसिमको स्टाटस तथा भिडियो बनाउनेहरुलाइ प्रहरीले पक्राउ गर्न थालेको हो ।
इलाका प्रहरी कार्यालय दमकका प्रमुख विजयराज पंण्डितका अनुसार यस्तो भ्रम नछर्नका लागि अनुरोध गरिएको छ ।
सामाजिक सञ्जालको दुरुपयोग गर्नेलाई कडाभन्दा कडा कार्वाही हुनसक्छ, प्रभावकारी न्यूजसंग डिएसपी पंण्डितले भने ।
दमक ७ मा कोरोनाको बिरामी रहेको र कसैले पनि वास्ता नगरेको भन्दै कुमार राईले भिडियो बनाएको भन्दै उनलाई शुक्रबार प्रहरीले पक्राउ गरेको छ ।
यसैबीच वडा नं. ७ का वडाध्यक्ष भीम पौड्यालका अनुसार कोहि पनि कोरोना भाइरसको संक्रमणका विरामी वार्डमा छैनन् ।
एकजना टिभिका विरामी रहेको र उनलाइ नगरपालिकाको एम्बुलेन्सले नै धरानसम्म पुर्याएको उनले जनाएकाछन् ।
भ्रम छरेर यस्तो अवस्थामा नगरबासीलाई आंतकीत बनाउनेलाई कार्वाही गर्नुपर्छ, उनले भने ।
वार्ड तथा नगरबासीको स्वास्थ्यमा आफुहरु चिन्तित र संवेदनशिल रहेको उनले जनाए ।
