ब्यवसायीको साझा आक्रोश-ब्यवसायीको बिषयमा किन बोल्दैन सरकार ? कहाँबाट तिर्नु ब्याज ?
विष्णुप्रसाद पोखरेल
दमक/ झापा दमक सहित अहिले देशभरका अधिकाँश ब्यवसायीको एउटै चिन्ता छ बैकको ब्याज कसरी तिर्ने ?
अत्यआवश्यकीय खाद्यन्न लगायतका केहि ब्यापार ब्यवसाय खुलेपनि ९० प्रतिशत ब्यवसायि अहिले लकडाउनका कारण घरमा रहेकाछन् ।
ब्यापार ब्यवसाय ठप्प रहेको छ । सरकारले घरधनीहरुलाइ घरभाडा छुट दिन आग्रह गर्दा बैकहरुलाइ ब्याज छुट दिन किन आग्रह गर्न सक्दैन भनेर सरकारसंग आक्रोश पनि पोखेकाछन् ।
सरकारले केहि ढिला गरेर ब्याज तिरे हुने ब्यवस्था गरेको छ । तर यो भाका सार्ने काम मात्र भएको ब्यापारीको बुझाई छ ।
ब्यवसायीलाइ खोइ के छ त राहत र सुविधा, दमकका ब्यवसायी प्रेम पाण्डे भन्छन् ।
सरकारले ब्याज भुक्तानीको म्याद यो चैत्र भरिमा तिर्नु पर्नेलाई बैसाख मसान्त सम्म पुर्याए पनि बैकहरुले फेरि लालच देखाएर १० प्रतिशत ब्याजमा छुटको प्रस्ताव देखाएको छ, उनले भने ।
ब्याज छुट गराउन सरकार लाग्नु पर्छ, उनको माग छ ।
दमकका अर्का ब्यवसायी काशि खाती पनि बैकले अहिले छुटभन्दै लकडाउनको समयमा घर बसेको मान्छेलाइ थप प्रताडित बनाएको बताउछन् ।
कोरोनाको त्रास र चिन्ताले लक डाउन पालना गरेर घरमा बसेको समयमा बैकको फोन आँउदा कस्तो होला ? उनको प्रश्न छ ।
यो समयमा बैकले फोन गर्दा थप मानसिक समस्यामा पर्ने ब्यवसायीहरु बताउछन् ।
दमक उद्योग बाणिज्य सघका अध्यक्ष गोकुल श्रेष्ठले पनि यो अवस्थामा सरकारले ब्यवसायीहरुलाइ राहत हुने गरी केहि न केहि ब्यवस्था गर्नु पर्ने बताउछन् ।
कम्तिमा एक महिनाको बैकको ब्याज छुट दिदा पनि ब्यवसायीहरुलाई ठुलो राहत मिल्छ, उनले भने ।
