दमकको मस्जिदमा रहेका भारतीय मुश्लिम धर्मगुरुहरुको कोरोना रिर्पोट आरडीटी नेगेटिभ , ४ जनाको स्वाब थप परीक्षणका लागि धरान पठाईयो
विष्णुप्रसाद पोखरेल
दमक/ झापाको दमकमा रहेको मस्जिदमा ११ भारतीय धर्मगुरु सहित १४ जनाको आरडीटी परीक्षण रिर्पोट नेगेटिभ आएको छ । आज उनिहरुको आरडीटी परीक्षण भएको थियो ।
१ नम्बर प्रदेशमा एकैसाथ १४ जनामा कोरोना पोजेटिभ देखिएपछि आरडीटी र स्वाब परीक्षणलाई तिब्र बनाईएको छ ।
उदयपुरको मस्जिदमा रहेका १२ जना भारतीय धर्मगुरुमा आरडीटी परीक्षण पोजेटिभ देखिएपछि प्राय सबै मस्जिदहरुमा निगरानी शुरु भएको छ ।
यसैक्रममा शनिवार दमकको मस्जिदमा रहेको ११ भारतीय सहित १४ जनाको परीक्षण भएको थियो ।
दमक नगरपालिका उपप्रमुख गीता अधिकारीका अनुसार सबैको रिर्पोट नेगेटिभ आएको छ । परीक्षणमा डराउनु पर्ने अवस्था देखिएन र सबैको रिर्पोट नेगेटिभ रहेको छ, उनले भनिन् ।
उनिहरु केहि दिन यता मस्जिदमा नै सेल्फ क्वारेन्टाइनमा रहेका थिए । मस्जिदमा निगरानी बढाउन नगरबासीले आवाज उठाउदै आएका थिए ।
४ जनाको स्वाब परीक्षणमा पठाईएको छ, दमक नगरपालिका उपप्रमुख गीता अधिकारीले भनिन् ।
उनिहरु दूइ महिना अघि नै नेपाल प्रवेस गरेको बताईन्छ । लक डाउनले आफुहरु भारत फर्कन नपाएको उनिहरुले बताएको पनि जनाईएको छ ।
मस्जिदमा उनिहरु अहिले पनि दमक नगरपालिकाको स्वास्थ्य शाखाको निगरानीमा नै रहेकाछन् ।
(असवधानीबस केहि समय अघि पोष्ट भएको समाचारमा शिर्षक गलत भएकाले सच्चाईएको छ । यसबाट पर्न गएको असुविधाप्रति क्षमाप्राथी छौ )
दमकको मस्जिदमा ११ जना भारतिय सहित १४ जनाको कोरोणा जाच र स्वाब परिक्षण यसरी भयो ।
Posted by प्रभावकारी न्यूज डिजिटल पत्रिका on Saturday, 18 April 2020
