दमकको आम्दा अस्पतालमा कोरोना संक्रमण भएको विरामी छैनन् यसर्थ भ्रममा नपरौ र नपारौ-डा. नविन ढकाल
दमक/ झापाको दमकमा कोरोना भाइरस संक्रमणको विरामी रहेको र आम्दामा राखिएको भन्ने हल्ला फिजाईएको भन्दै यस्तो भ्रममा नपर्न आग्रह गरिएको छ ।
आम्दा अस्पतालका मेसु डा. नविन ढकालका अनुसार आम्दामा कोरोना संक्रमणको शंकाश्पद तथा कोरोना संक्रमणका कोहि पनि विरामी नराखिएको स्पष्ट पारे ।
उपचारमा आउने विरामीहरुलाई असर पर्ने गरी भ्रम छरिएको छ र यो कसरी भयो अचम्मित बनेका छौ, डा. ढकालले भने ।
अस्पतालले जिल्लामा नै पहिलो पटक ज्वरो क्लिनिक सञ्चालन गरेको र सर्वसाधरणलाई सेवा निरन्तर दिईरहेको भन्दै यहाँ कोरोना संक्रमित तथा आंशका गरिएका विरामीहरु नभएकाले ढुक्कका साथ आएर सेवा लिन आग्रह गरेकाछन् ।
इमरजेन्सि सेवा र ज्वरो क्लिनिक नियमित रहेको उनले बताए ।
ज्वरोका विरामीहरुलाई बेग्लै आइसुलेसनमा राख्ने ब्यवस्था गरिएको भन्दै यस्तो अवस्थामा भ्रम नफैल्याउन र विरामी परेकाहरुलाई सहज सेवा पुर्याउन सवै अग्रसर हुनुपर्ने पनि उहाँको भनाई छ ।
