दमकमा थप कसैमा पनि देखिएन कोरोना संक्रमण, स्वाब परीक्षण रिर्पोट नेगेटिभ
विष्णुप्रसाद पोखरेल
दमक/ झापाको दमकमा एकजनामा कोरोना संक्रमण देखिएपछि उनको सम्पर्कमा आएकाहरुको जाँचमा अहिलेसम्म कसैमा पनि कोरोना संक्रमण फेला नपरेको बताईएको छ ।
विपी कोइराला स्वास्थ्य बिज्ञान प्रतिष्ठानमा ५० भन्दा बढिको स्वाब परीक्षणका लागि पठाईएको थियो । त्यहाँ जाच गरिसकिएका कसैमा पनि कोरोना पोजेटिभ देखिएको छैन ।
बुधबार दिउसोसम्ममा दमकबाट पठाईएको स्वाबको परीक्षणमा कसैलाई पनि कोरोना पोजेटिभ नदेखिएको हो। कतिवटा स्वाबको नमुना परीक्षण भयो भन्ने आधिकारीक रुपमा खुलाईएको छैन ।
सबै रिर्पोट नेगेटिभ भन्ने सुनेका छौ तर आधिकारीक रुपमा केहि आएको छैन, दमक नगरपालिका श्रोतले भन्यो । सगै लगिएको कमल गाँउपालिकाका केहिको स्वाब परीक्षण पनि नेगेटिभ नै आएको छ ।
दमक ३ का एकजनामा कोरोना संक्रमण देखिएपछि उक्त क्षेत्र शिल गरेर कोरोना जाँचमा तिब्रता दिईएको थियो । आरडीटी परीक्षणमा केहिको रिर्पोट पोजेटिभ आएपछि त्रास पनि उत्पन्न भएको थियो ।
दमक नगरपालिका स्वास्थ्य शाखाका अनुसार पहिलो चरणमा संक्रमतिबाट अति जोखिममा पर्न सक्नेहरुको स्वाव परीक्षणका लागि पठाईएको हो ।
पुर्ण रुपमा जाँचको विवरण नआएसम्मका लागि दमक ३ नमबर वडा शिल गरिएको छ । यहाँ हिडडुलमा कडाई गर्नका साथै स्थानीयलाई सचेत हुन आग्रह गरिदै आएको छ ।
वडाध्यक्ष नविन बरालका अनुसार ढिला गरी रिर्पोट आँउदा तनाव सिर्जना भएको छ । सबैमा रिर्पोट कहिले र कस्तो आउला भनेर चिन्ता र कौतुहलता रहेको उनले बताए ।
