विष्णुप्रसाद पोखरेल

दमक/ कोरोना संक्रमणको जोखिम कम गर्नका लागि दमक नगरपालिकाले शब्जि बजार बन्द गरेपछि फटपाथमा शब्जि ब्यापार हुँदै आएको छ । नगरपालिकाले अब्यवस्थित रुपमा फुटपाथमा हुने ब्यापारले पनि जोखिम बढेको ठहर गर्दै यस्तो कार्य नियण्त्रणमा लिने भएको छ ।

नगरपालिकाले विहिवार अनियन्त्रित र जोखिम पूर्ण फलफुल तथा शब्जि ब्यापार रोक्ने निर्णय गरेको हो । फुटपाथ र सडकमा तरकारी तथा अन्य पसल व्यवसाय राख्न नपाउने निर्णय भएको छ, दमक नगरपालिकाका प्रमुख रोमनाथ ओलीले भने । सरोकारवालाहरुसंग नगरपालिकामा विहान बैठक बसेको थियो ।

नगरपालिका, प्रहरी र दमक उद्योग बाणिजय सघले यसको अनुगमन गर्नेछ । यसैक्रममा विहिबार दिउसोदेखि अनुगमन पनि शुरु भएको छ । न्यूनतम सावधानीका उपाय समेत नअपनाई फलफुल तथा शब्जि ब्यापार गरेको पाईयो, समितिका संयोजक भीम पौड्यालले भने ।

अनुगमन समितिले यस्तो कार्य नरोके नगरपालिकाले नगर प्रहरी परिचालन गरेर सामान उठाउने चेतावनी पनि दिएको छ । नगरपालिकाको निर्णय अवज्ञा गरेमा फुटपाथमा राखिएका सामान सबै उठाएर लैजाने तयारी भएको छ, अनुगमन समितिका एक सदस्यले भने ।

वडा कार्यालयसंग अनुमति लिएर र कोरोना संक्रमण रोकथाम तथा नियण्त्रणका लागि अपनाउनु पर्ने सावधानी अपनाएर होम डेलिभरी गर्न भने दिइनेछ । उपभोक्ता र स्वयं ब्यवसायीलाई जोखिम हुने गरी विक्री वितरणको कार्य रोक लगाईएको हो, दमक उद्योग बाणिज्य सघका अध्यक्ष गोकुल श्रेष्ठले भने ।