नेपालगञ्जमा थप ६ जनामा कोरोना संक्रमण भेटिएको हल्लामात्रै-भेरी प्रादेशिक अस्पताल
बाँकेको नेपालगञ्जमा आज १५ जना मात्रै कोरोना संक्रमित भएको भेरी प्रादेशिक अस्पतालले जनाएको छ । कतिपय सञ्चारमाध्यमले आइतबार राती थप ९ जनामा कोरोना संक्रमण भएको भन्दै कुल संक्रमित २४ पुरयाएपछि अस्पतालको यस्तो धारणा आएको हो ।
‘शुक्रबार भेटिएको एक जना संक्रमितको कन्ट्याक ट्रेसिङ गर्ने क्रममा ९० जनाको थ्रोट स्वाब लिइएको थियो । त्यसमध्ये ६० जनाको आज दुई पटक नतिजा आएको हो र कुल १५ जना हो । बाँकी ३० जनाको परीक्षण नै भएको छैन् । उनीहरुको भोली मात्रै परीक्षण गर्ने योजनामा छौँ । परीक्षण नहुँदै कसरी केश थपिन्छ ?,’ भेरी प्रादेशिक अस्पतालका मेसु डा प्रकाश थापाले भने ।
उनले धेरै केश देखिएर ल्याव कन्टामिनेट भएपछि आज थप परीक्षण नगरी फ्युमिगेसन गरी होल्ड गरिएको बताए ।
नेपालगञ्जमा गत शुक्रबारको १ र आजको १५ सहित कुल १६ जना मात्रै संक्रमित छन् ।नेपालीहेल्थले लेखेको छ ।
