झापाको दमकले पसल खोल्ने नयाँ नियम सार्वजनिक, जोर गते खाद्यन्न र बिजोर गते अन्य तोकिएका पसल खोल्नु पर्ने
दमक/ झापाको दमक नगरपालिकाले जिल्ला स्तरीय कोरोना भाईरस रोकथाम तथा नियन्त्रण समन्वय समिति, झापाको निर्णय अनुसार दमक नगरपालिका भित्र पनि सोहि निर्णय लागु गराउन नयाँ सूचना जारी गरेको हो ।
सूचनाः
मिति २०७७ जेठ ०३ गतेको जिल्ला स्तरीय कोरोना भाईरस रोकथाम तथा नियन्त्रण समन्वय समिति, झापाको निर्णय अनुसार दमक नगरपालिका भित्र तपशिल अनुसार पसल व्यवसाय खोल्न पाइने व्यहोरा जानकारी गराइएको छ ।
- जोर गतेका दिन विहान ०८:०० बजे देखि दिउँसो १२:०० बजे सम्म खाद्यान्न, फलफुल तथा तरकारी पसलहरु मात्र संचालन गर्न पाइने छ ।
- बिजोर गतेका दिन बिहान ०८:०० बजे देखि १२:०० बजे सम्म निर्माण सामाग्रीका पसल र मर्मत ग्यारेजहरु मात्र संचालन गर्न पाइने छ ।
- कृषि भण्डार प्रत्येक दिन विहान ८:०० बजे देखि बेलुका ५:०० बजे सम्म मात्र संचालन गर्न पाइने छ ।
- दुध तथा औषधी पसलहरु पूर्व निर्णयानुसार संचालन गर्न पाइने छ ।
- अन्य पसल व्यवसायहरु संचालन गर्न पूर्ण रुपले रोक लगाइएको छ ।
घरभित्रै बसौ
कोरोना भाइरसबाट आफु पनि वचौ
अरुलाइ पनि बचाऔ ।
दमक नगरपालिका
