झापाको दमकमा थप १ जनामा कोरोना संक्रमण पुष्टि, ११ पुग्यो संक्रमितको संख्या
दमक/ झापाको दमकमा एक जनामा कोरोना संक्रमण पुष्टि भएको छ । होम क्वारेन्टाइनमा रहेका एक ब्याक्तिमा कोरोना संक्रमण पुष्टि भएको हो ।
दमकको वडा नम्बर ५ की ४३ बर्षीया महिलामा कोरोना संक्रमण पुष्टि भएको दमक नगर स्वास्थ्य शाखाले जनाएको छ । यो संगै दमकमा कोरोना संक्रमित हुनेको संख्या ११ पुगेको छ ।
पछिल्लो २४ घन्टामा नेपालमा थप २७४ जनामा कोरोना भाइरसको संक्रमण देखिएको छ।
२४ घन्टामा देशका विभिन्न प्रयोगशालामा गरिएको ६ हजार ३ सय ४ जनाको परीक्षणका क्रममा यी व्यक्तिमा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएका हुन्।
आज थपिएका सहित नेपालमा संक्रमितको संख्या १९ हजार ५ सय ४७ जना पुगेको छ।
