दमकमा कोरोना संक्रमितको संख्या ८५५ पुग्यो, ५५३ जना कोरोना संक्रमणमुक्त हुँदा २९ को मृत्यु
दमक/ झापाको दमकमा कोरोना संक्रमितको संख्या ८ सय ५५ पुगेको बताईएको छ। शनिवार ६ जना नयाँ संक्रमित थपिएको हो । नगरपालिकाको स्वास्थ्य शाखाका अनुसार २७३ जना उपचारमा छन ।
नगरपालिकाका अनुसार अहिलेसम्म कोरोना संक्रमण भएकाहरु मध्ये ५५३ जना कोरोना संक्रमणमुक्त भएको अवस्था रहेको छ । २९ जनाको कोरोना संक्रमणबाट मृत्यु भएको छ । कोरोना संक्रमणबाट मृत्यु भएका अधिकाँशमा अन्य रोगको पनि संक्रमण रहेको थियो ।
