दमक/ यदि सरकारले तोकेको समयमा निर्वाचन हुने हो भने अब स्थानीय सरकारका प्रतिनिधि छान्ने निर्वाचन आउन धेरै दिन बाँकी छैन । तल्लो तहका जनतासम्म तथा पहुँच विहिनहरुको पहुँच रहने भनिएको स्थानीय तह अर्थात सरकारको निर्वाचनको तयारीहरु पनि देखिदैछ ।  दलहरु आन्तरिक तयारीमा रहेकाछन् र उम्मेद्वाहरु चयन गर्ने कसरतमा देखिन्छन् ।

झापाको दमकहोस या झापा जिल्ला । देशभर नै किन नहोस कहि पनि स्थानीय सरकारको निर्वाचन आइरहदा जनताको बिषयमा न राजनीतिक दललाई चिन्ता छ न त उम्मेद्वार बन्न खोज्नेहरुलाई नै वास्ता छ । जम्मा जसरी पनि आफुले जित्नु पर्यो र बिपक्षीलाई हराउनु पर्यो । स्थानीय एजेण्डाको बिषयमा त कुनै बहस नै छैन । यो कस्ता शाषन ब्यवस्था ल्याईएछ भनेर जनतामा नैराश्यता पैदा भइरहेको छ । जो कोहिलाई पनि विरक्त लाग्ने अवस्था बनेको छ ।

स्थानीय क्षेत्रको शान्तिसुरक्षा‚ विकास एवं प्रशासन स्थानीय क्षेत्रकै निर्वाचन प्रतिनिधिद्वारा सञ्चालन गर्ने सरकारलाई स्थानीय सरकार भनिन्छ । स्थानिय सरकार स्थानीय संस्थाबाट गरिने शासन हो‚ जसमा जनताबाट निर्वाचित प्रतिनिधि हुन्छन् । केन्द्रीय सरकारको सामान्य नियन्त्रण र निर्देशन भए पनि तोकिएको विषयमा आफ्नो क्षेत्रभित्र स्थानीय सरकारको पूर्ण अधिकार र उत्तरदायित्व हुने गर्दछ । केन्द्रीय सरकारले समग्र देश र स्थानीय सरकारवीच समन्वय र नियन्त्रण गर्दछ भने स्थानीय सरकारले आफ्नो क्षेत्रभित्र समन्वय र नियन्त्रण गर्दछ । एउटा देशमा केन्द्रीय सरकार एउटा मात्र हुन्छ भने स्थानीय सरकार एकभन्दा बढी हुने गर्दछ । नेपालमा गाउपालीका,नगरपालिका र प्रदेश लाई स्थानीय सरकारका रुपमा लिने गरिन्छ ।