सर्वसाधरण उपभोक्ता

उपभोक्ता-हेलो

ब्यापारी-हजूर

उपभोक्ता-ग्याँस छ हजुर ?

ब्यापारी-छैन हजूर आएपछि भन्छु नी

उपभोक्ता-कहिले आउछ हजुर खाना पकाउन पनि छैन

ब्यापारी-आएपछि भनिहाल्छु नी

उपभोक्ता-जसरी पनि चाहियो नि हजुर भाकै बस्नु ?

ब्यापारी-भन्दैछु त म नभएको कहाँबाट ल्याएर दिउ

फोन काटिन्छ

पहुँचवाला

उपभोक्ता-मलाइ ग्यास चाहियो
ब्यापारी-गाह्रो ग्याँस अलि गाहे छ
उपभोक्ता-के नदिने हो त मलाइ ? अरुलाइ भन्नु पर्ने
ब्यापारी-होइन, त्यस्तो बेलुका आएर पछाडिबाट एउटा लैजानु न राखिदिन्छु,
उपभोक्ता-एउटा ले कहाँ हुन्छ र गिजरलाइ पनि चाहियो
ब्यापारी-आउनु न पसल बन्द गर्ने समयमा अरुले थाहा पाउनु भएन
उपभोक्ता-हुन्छ तीन वटा राखिदिनु नी, यहाँ डेरामा बस्ने बुहारीलाइ पनि चाहिएको छ
ब्यापारी-हुन्छ हजुर, फोन राखे है

झापाको दमकमा ग्याँसको अभाव भएको छ । राम्रो पहुँच भएका र टाढाबाठाहरुले घरमा दुइदेखि तीनवटासम्म ग्याँसको ट्यांकी लगेपनि सर्वसाधरणले भने ग्याँस पाएका छैनन् ।

पहिला सरदरमा जुन परिणाममा ग्याँस आउँथ्यो त्यो नै आइरहेको भएपनि यस्तो समस्या देखिएको बताइन्छ ।

यता उर्लाबारीमा भने सरकारले तोकेभन्दा अर्थात बजार मूल्य भन्दा १ सय रुपिया बढिमा खुलमखुल्ला ग्याँस विक्री भइरहेको बताइन्छ । अनुगमन नहुँदा यस्तो भएको बताइन्छ ।