झापामा अब लकडाउन अब २४ घण्टा नै कडा ! झापाका प्रमुख जिल्ला अधिकारीद्वारा जारी आदेश
विष्णुप्रसाद पोखरेल
दमक/ कोरोना भाइरसको सम्भावित जोखिम न्यूनिकरणका लागि लक डाउनलाई झापामा थप कडाई हुने भएको छ ।
जिल्ला प्रशासन कार्यालय झापाले मंगलवार नयाँ आदेश जारी गर्दै अब खाद्य सामाग्रि किनमेल तथा औषधि पसल जान पनि कडाई शुरु गरेको छ ।
सरकारी कर्मचारीलाइ समेत अत्यआवश्यक काम बाहेककालाई आउनजानलाइ थप कडाई गर्ने भएको छ ।
अत्यआवश्यकीय सवारी साधन बाहेकका सवारी साधनहरुलाइ पास दिन पनि थप कडाईको आदेश जिल्ला प्रशासन कार्यालयले जारी गरेको छ ।
झापाका प्रमुख जिल्ला अधिकारी उदयबहादुर राना मगरका अनुसार अब लकडाउन पालना नगर्नेमाथि कानूनी कार्वाही शुरु हुन्छ ।
साँझ परेपछि चहलपहल र किनमेलका कारण बजार पसल भिडभाड भएका थिए । परिवारका सवै सदस्यहरु यहि निउमा सडकमा आएका थिए ।
अब दैनिक उपभोग्य सामाग्रि ढुवानीमा पनि प्रशासनले कडाई शुरु गरेको छ ।
सोमबारमात्र प्रदेश १ का मुख्यमन्त्रि शेरधन राईले लकडाउन कडा हुने संकेत दिएका थिए ।
उनले अटेर गरेमा कर्फु लगाउन समेत प्रमुख जिल्ला अधिकारीहरुलाइ निर्देशन दिएका थिए ।
त्यस लगत्तै जिल्ला प्रशासन कार्यालय झापाको कडा आदेश आएको हो ।
