विष्णुप्रसाद पोखरेल

दमक/  झापाको दमकमा हिजो सामाजिक दुरी कायम नभएको र बजार पुरै खुलेको पाएपछि आज दमक बजार अनुगमन समितिले सक्रियता जनाएको छ । यसमा दमक उद्योग बाणिज्य संघले पनि साथ दिएको छ । बजार अनुगमन समितिका संयोजक भीम पौड्यालको नेतृत्वमा टोली दमकका मुख्य चोक बजारहरुमा निस्केको हो ।

दैनिक उपभोग्य सामाग्रि बाहेकका पसलहरु बन्द गराईएको थियो । दिउसो १२ देखि २ बजेसम्म बजार खुला राख्ने निर्णय नगरपालिकाको रहेको थियो । दैनिक उपभोग्य सामाग्रि किनमेलका लागि किराना तथा खाद्य सामाग्रि विक्री गर्ने पसलहरु खुला भनिएको हार्डवेयर पसलहरु समेत खुला रहेका थिए ।

अन्य नगरपालिका तथा गाँउपालिकाले लकडाउनलाई कडाइ गरिहदा दमकमा भने कडाई नभएको सर्वत्र गुनासो थियो । नगरबासीको सुरक्षाका लागि बजारको अवस्था अनुगमन गरिएको हो, अनुगमन समितिका संयोजक एवं वडा नं. ७ का वडाध्यक्ष भीम पौड्यालले भने ।

बजारमा यो पटक अधिकाँश खाद्य सामाग्रिको पसलमा दैनिक उपभोग्य सामाग्रिको मूल्य सूचि टाँस गरेको पाईएको जनाए । पहिला कसैको पसलमा पनि मूल्य सूचि टाँस गरिएको थिएन तर अहिले अधिकाँशको मूल्य सूचि टाँस गरेको पाईयो । श्रेष्ठले स्थानीय सरकारले गरेको आग्रह र अनुरोध पालना गर्न पनि आग्रह गरे ।

नगरपालिका अधिकृत यज्ञराज निरौला, इलाका प्रशासन कार्यालय दमकका टंक दुलाल, दमक उद्योग बाणिज्य संघका बरिष्ठ उपाध्यक्ष गोपाल गुरागाई, प्रथम उपाध्यक्ष राजु खड्का लगायतको अनुगमनमा उपस्थिति रहेको थियो । पसलहरुलाई सामाजिक दुरी अपनाएर र सुरक्षाका साथ बस्न निर्देशन पनि दिईएको थियो ।