कार्यस्थलमा हुने जोखिम न्यूनिकरणका लागि वल्र्डलिंकको सडक सुरक्षा गोष्ठि
दमक/ इन्टरनेट सेवा प्रदायक कम्पनी वल्र्डलिंकले आफ्ना कर्मचारीहरुलाई लक्षित गरेर सडक सुरक्षा गोष्ठि दमकमा आयोजना गरेको छ । बिधुत पोलहरुमा तार तथा सडकमा फाइबरको काम गर्दा कसरी सुरक्षा अपनाउने भन्ने बिषयमा आफ्ना कर्मचारीहरुलाई कार्यस्थल अर्थात सडकमा नै जानकारी गराएको हो ।
दुर्घटनाको जोखिम न्यूनिकरणका लागि अपनाउनु पर्ने सावधानी र गर्नु पर्ने कामको बिषयमा आफ्ना बिभिन्न शाखा कार्यालयका कर्मचारीहरुलाई यस प्रकारको सचेतना दिईएको वल्र्डलिंकका कोशी प्रदेश जनसम्पर्क अधिकृत राजन तिम्सिनाले बताए ।
कार्यस्थलमा नै यस प्रकारको कार्यक्रम गर्दा उनिहरुले जोखिमबारे सहज रुपमा बुझ्नेछन् भन्ने हाम्रो अपेक्षा हो, उनले भने । आफ्नो सुरक्षा आफ्नै हातमा हुन्छ भन्ने अनुभुत कर्मचारीहरुलाई गराउने लक्ष्य अनुसार गोष्ठि भएको उनको भनाई थियो ।
