कोरोनाको लक्षण हुन सक्ने भन्दै परिवारले संक्रमितका श्रीमान्लाई दिल्ली स्थित एक अस्पतालमा उपचारका लागि भर्ना गरेका थिए । नेपालको संम्वत् अनुसार जेठ २५ गते उनेको भारतको दिल्ली स्थित एक अस्पतालको आईसोलेसनमा देहान्त भयो । उनलाई पनि कोभिड १९ भाईरसको संक्रमण भएको रहेछ । मृत्यु हुन पुर्वनै उनको स्वाब संकलन गरिएको थियो । मृत्यु भएपछि मात्र पीसीआर पोजेटिभ आएको पारिवारीक श्रोतले बताएको छ ।

शिवसताक्षी/ झापाको शिवसताक्षी स्थित झरना प्राविको क्वारेन्टिनमा रहेकी एक महिलामा कोरोना भाईरसको संक्रमण भएको पुष्टी भएको छ । स्वास्थ्य कार्यालय विराटनगर को प्रयोगशालामा शनिवार ती महिलाको पीसीआर परिक्षण भएको थियो । उनको बिहीबार स्वाब संकलन भएको क्वारेन्टिनका स्वास्थ्य संयोजक रोशन अधिकारीले बताए ।

संक्रमित महिला भारतको दिल्लीबाट २७ गते नेपाल आएकी हुन् । उनी संगै नेपाल आएका अन्य दुई आफन्तको कोरोना नेगेटिभ भएको अधिकारीले वेलकम सताक्षीलाई बताए । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले ती महिलामा कोरोना भएको स्वतन्त्र रुपमा पुष्टि गरेका हुन् ।

यस्तो थियो संक्रमणको आशंका

कोरोना पुष्टी भएकी महिला भारतको दिल्लीमा श्रीमान् संगै बस्दै आएकी थिइन् । उनिहरुको चैत्र ८ गते नेपाल आउने तयारी थियो । तर, नेपाल आउने चाँजोपाँजो मिलाउदै गर्दा भारतमा लकडाउन सुरु भयो । जस्का कारण नेपाल आउने तयारी बिचैमा रोकियो ।

संक्रमित महिला परिवार संगै दिल्लीमा बहालमा बस्ने गरेको खुल्न आएको छ । दुईकोठा मध्ये एउटा कोठामा आफन्त र अर्को कोठामा श्रीमान्— श्रीमती बस्ने गर्थे । जेठ ४ गते श्रीमान्लाई हनहनी ज्वरो आएको थियो । उनका श्रीमान्ले सामान्य होला भनेर चिकित्सकको परामर्स बिनै ज्वरो घट्ने औषधी सेवन गरेका थिए । ज्वरोले शरीर तातिएपछि जुटको बोरा भिजाएर त्यसैमा सुत्ने गर्थे उनका श्रीमान् । श्रीमती पनि संगै हुन्थीन् । ज्वरो आईरहेपनि उनि ३ दिन सम्म कोठामा यसरी नै सुतिरहेका थिए । लगातार ज्वरो आईरहेपछि उनलाई स्वासप्रस्वासमा समेत समस्या देखिन थालेको उनका आफन्तले बताएका छन् । अस्पताल जानु पुर्व सुख्खा खोकी पनि लागेको थियो ।

कोरोनाको लक्षण हुन सक्ने भन्दै परिवारले संक्रमितका श्रीमान्लाई दिल्ली स्थित एक अस्पतालमा उपचारका लागि भर्ना गरेका थिए । नेपालको संम्वत् अनुसार जेठ २५ गते उनेको भारतको दिल्ली स्थित एक अस्पतालको आईसोलेसनमा देहान्त भयो । उनलाई पनि कोभिड १९ भाईरसको संक्रमण भएको रहेछ । मृत्यु हुन पुर्वनै उनको स्वाब संकलन गरिएको थियो । मृत्यु भएपछि मात्र पीसीआर पोजेटिभ आएको पारिवारीक श्रोतले बताएको छ ।

यस्तो थियो ट्राभल ‘ हिष्ट्री ’

संक्रमित महिला सहित उनका आफन्तलाई अस्पतालले मृत्युको खवर सुनायो । केहि बेरमा दिल्ली स्थित नेपाली दुतावासले उनिहरुलाई भारतिय एमुलेन्समा नेपाल फर्काईदियो । एमुलेन्समा संक्रमित महिला सहित अन्य २ जना आफन्त संगै आएका थिए ।
नेपाल भारतको सिमाना जोगवनीमा आइपुगेपछि उनिहरुलाई शिवसताक्षी नगरको एमुलेन्सले रिसिभ गरेको थियो । एमुलेन्समा आएकाले नै घटना क्रम एमुलेन्स चालक सहित झरना क्वारेन्टिनको व्यवस्थापन पक्षलाई बताएपछि उनिहरुलाई विराटनगर हुदै शिवसताक्षीको झरना क्वारेन्टिनमा सतर्कता अपनाउदै ल्याएको थियो ।

संक्रमित संगै नेपाल आएका दुई जनाले दिल्लीबाटै सतर्कका साथ आएको बताए । उनिहरुले भने, ‘हामी संग कसैको पनि संपर्क भएको छैन । दिल्लीमा रहदा पनि हामी कोठा बाहिर निस्किएका थिएनौ । हामि संगै आएकी महिलाको पोजेटिभ हुनु । हाम्रो नेगेभिट रिपोर्ट आउनु । अचम्म भयो । एमुलेन्समा आउदा संगै आएका हौं । झरना क्वारेन्टिनमा बस्दा पनि संगै बसेका थियौं ।’ उनिहरुको पारिवारीक नाता गोप्य राखिएको छ ।
लापारवाहीको नमुना

श्रीमान्लाई ज्वरो र स्वासप्रस्वासमा समस्या देखिएपछि बेलैमा अस्पताल भर्ना गरिएको भए मृत्युको मुखमा पुग्नु नपर्ने स्वास्थ्य कर्मीले आँसका गरेका छन् । कोरोना कोभिड १९ को मिल्दो जुल्दो लक्षण देखिन थाल्नु पुर्वनै चिकित्सकको परामर्स र उच्च सतर्कता नअपनाएका कारण श्रीमान्को मृत्यु र श्रीमतीमा कोरोना संक्रमण देखीएको हुन सक्ने अनुमान छ । दिल्लीबाट संगै आएका मध्ये दुई जनामा कोरोना भाईरसको संक्रमण नभेटिनु को मुख्य कारण उच्च सतर्कता नअपनाउनु नै मुख्य कारण हो । एमुलेन्समा संगै आएपनि व्यत्तिगत दुरी कायम नै रहेको दिल्लीबाट आएका मध्ये एकले बताए ।

सुरक्षा सतर्कता कडा

शिवसताक्षीको झरना प्राविको क्वारेन्टिनमा कोरोना संक्रमित देखिएपछि त्यहाँ मानविय स्वास्थ्य सुरक्षा कडा पारिएको छ । सर्वसाधरणलाई क्वारेन्टिनमा आउन प्रतिवन्ध लगाइएको छ । दिल्ली बाट आएका मध्ये दुई जनालाई रेड जोनमामा राखिएको छ । अन्य सर्वसाधरण बसेको क्वारेन्टिन र उनिहरु बसेको क्वारेन्टिनको दुरी ५० मिटर बनाइएको क्वारेन्टिन व्यवस्थापनका संयोजक दिपक तामाङ्गले बताए ।
झरनाको क्वारेन्टिनमा १ महिला सहित ७ जना छन् । महिला कुवेतबाट आएकी हुन भने अन्य ६ पुरुष भारतका बिभिन्न ठाँउबाट आएका हुन् । वेलकमसताक्षीधाममा विनोद सापाकोटाले यो समचार लेखेकाछन् ।