गुल्मी । गुल्मीको सत्यवति गाउँपालिकाको लिम्घा र ठुलो लुम्पेक भन्ने ठाउँमा पहिरो जाँदा ६ जनाको ज्यान गएको छ । भने पाँच जना अझै बेपत्ता छन् । पहिरोमा परी घाइते भएका दुई जनाको उद्धार गरिएको छ ।
पहिरोमा परि सत्यवति गाउँपालिका ४ लिम्घा भिरकुनाका तीन घर पुरिएको वडाध्यक्ष दान बहादुर रानाले बताए ।
दुई सय मिटर माथीबाट आएको पहिरोले ढाल बहादुर विक, छलि विक र पम्फा विकको घर पुरेको छ । तीन घरमा नौ जना बस्दै आएका थिए । तीन घरबाट अहिलेसम्म चार जनाको शव फेला परेको रानाले बताए । मृत्यु हुने सबैको पहिचान भएको छैन ।

त्यस्तै सत्यवति गाउँपालिका ३ ठुलोलुम्पेकमा सोमबार राति पहिरोले घर किच्दा आमा छोराको ज्यान गएको छ । लुम्पेकका तिल कुमारी तरामु र दर्शन तरामुको पुरिएर ज्यान गएको वडाध्यक्ष रुक बहादुर रानाले बताए । तरामुको दुई छोरी घाइते भएका छन् ।